ISO 9001-ის დანერგვას დადებითი ზეგავლენა მოაქვს კომპანიის ეფექტურობაზე, შინაგანი ძალებისა და გარე შესაძლებლობების დაბალანსების გზით. კონკურენტულ ბიზნესგარემოში მნიშვნელოვანია საკუთარი განმასხვავებელი ნიშის პოვნა და დამაჯერებელი პოზიციონირება ბაზარზე, რაც მხოლოდ და მხოლოდ სანდოობით მიიღწევა. ISO 9001-ის დანერგვით იზრდება კომპანიის ეფექტურობა და მისი შესაძლებლობების არე:

• განისაზღვრება ორგანიზაციის კონტექსტი, ბაზარზე პროდუქტის პოზიცია, დაინტერესებული მხარის მოლოდინები. მოცემული ინფორმაციის გაანალიზება კომპანიას საშუალებას აძლევს მკაფიოდ ჩამოაყალიბოს დროში გაწერილი მიზნები და გამოავლინოს ახალი ბიზნეს შესაძლებლობები.
• პრიორიტეტი ენიჭება მომხმარებელს, მომხმარებლის საჭიროებების დაკმაყოფილებასა და კმაყოფილების გაუმჯობესებას. ყოველივე ეს იწვევს ბიზნესის წილის ზრდას, უკვე არსებული მომხმარებლის შენარჩუნებას და ახლის მოზიდვას.
• იზრდება ბიზნესის/ორგანიზაციის სამუშაოს შესრულების ეფექტურობა, მისი მწარმოებლურობა, მცირდება შიდა დანახარჯები, რამდენადაც პროცესები შეთანხმებულია და გაგებულია ორგანიზაციულ დონეზე.
• შესაბამისობაში იმყოფება აუცილებელ ნორმატიულ და მარეგულირებელ მოთხოვნებთან.
• იძლევა გეოგრაფიული საზღვრების გაფართოების შესაძლებლობას, ვინაიდან საერთაშორისო ბაზარზე შესაღწევად მნიშვნელოვანია ISO სტანდარტების, როგორც ხარისხის სიმბოლოს წარდგენა.
• დგინდება ორგანიზაციის საქმიანობასთან დაკავშირებული რისკები და მიმდინარეობს მათი აღმოფხვრა, მინიმუმამდე დაყვანა.